Schmalkaldischer Bund

Chupferstich vo Schmalkalde (1645), wo dr Schmalkaldisch Bund 1531 gründet worde isch

Dr Schmalkaldisch Bund (au Schmalkaldischi Liga oder Liga vo Schmalkalde) isch e Verdäidigungsbündnis vo protestantische Fürste und Stedt gsi, wo am 27. Februar 1531^[1] z Schmalkalde (im fränkisch prägte Süde vo Thüringe) under dr Füerig vo Kursachse und Hesse abgschlosse worde isch gege d Religionspolitik vom katholische Kaiser Karl V.

Dr Bund het in de Joor noch sinere Gründig si Macht chönne usbaue und het immer mee Mitgliider überchoo. Vo 1542 aa het s aber immer wider Händel zwüsche de Mitgliider gee, und die häi dr Schmalkaldisch Bund immer mee gleemt. Dr Karl V. het denn im Schmalkaldische Chrieg 1546–47 dr Bund milidäärisch chönne verschloo.

↑ In dr Literatuur häisst s mänggisch am 31. Dezämber 1530. An däm Daag häi d Däilnäämer am Schmalkaldische Konvent d Gründig vom Bund beschlosse. Offiziell isch dr Verdrag aber erst am 27. Februar 1531 underschriibe worde.

[1] In dr Literatuur häisst s mänggisch am 31. Dezämber 1530. An däm Daag häi d Däilnäämer am Schmalkaldische Konvent d Gründig vom Bund beschlosse. Offiziell isch dr Verdrag aber erst am 27. Februar 1531 underschriibe worde.

[1]